Mund ti quash heronj, 15 ditë me radhë në Karaburun vijojnë të digjen pyjet dhe pemët shekullore ku situata paraqitet me rrezikshmëri të lartë në zonën e quajtur Gropat e Pirit. Zjarri në këtë zonë paraqet një rrezikshmëri të madhe pasi rrezikon edhe parkun kombëtar të Llogarasë.
Janë 300 forca që janë ngjitur në orët e para të mëngjesit në malin e Karaburunit dhe pikërisht tek vendi i quajtur Gropat e Pirit ku është një masiv pyjor me peme shekullore i cili lidhet me Llogaranë. Në maj të malit mbas forcave për fikjen e zjarreve nuk mungon dhe operatori i Vlorës Elizbon Haruni.
FA zjarrëfikës të bashkisë Vlorë, struktura të policisë bashkiake, ADZM prefektura, por dhe banorë të Dukatit janë duke u ngjitur në mal për fikjen e zjarreve të ndihmuar edhe nga helikopterët. Ndërsa zjarri mbi fshatin Dukat është vënë nën kontroll dhe nuk përbën rrezik.
