Një aksident raportohet të ketë ndodhur mëngjesin e sotëm në Vlorë. Burime nga policia bëjnë të ditur se rreth orës 07:00, në aksin rrugor Fier-Vlorë, në Panaja, një automjet tip “Fiat” është përplasur me një mjet tip “Toyota”.
Si pasojë e përplasjes është dëmtuar lehtë drejtuesja e mjetit “Toyota”, B. L., 34 vjeçe, e cila ndodhet në spital, jashtë rrezikut për jetën.
Njoftimi i policisë: Vlorë/Informacion paraprak, Sot, rreth orës 07:00, në aksin rrugor Fier-Vlorë, në Panaja, një automjet tip “Fiat” me drejtues shtetasin K. H., 66 vjeç, është përplasur me një mjet tip “Toyota” me drejtuese shtetasen B. L., 34 vjeçe, e cila si pasojë e përplasjes është dëmtuar lehtë dhe ndodhet jashtë rrezikut për jetën.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit. Foto ilustruese
