Një person humbi jetën ndërsa dy të tjerë mbetën të plagosur në dy aksidente rrugore në vend. Rreth orës 08:15, në aksin rrugor Tapizë-Thumanë, shtetasi H. M., rreth 60 vjeç, duke drejtuar mjetin tip “Fiat” është përplasur me mjetin tip “Benz” me drejtues shtetasin K. B., rreth 41 vjeç, e për pasojë ka ndërruar jetë shtetasi H. M., ndërsa shtetasi K. B., ndodhet nën kujdesin e mjekëve.

Grupi hetimor ndodhet në vendngjarje dhe po punon për zbardhjen e ngjarjes.

Ndërkohë në aksin rrugor Belsh-Rrasë, në fshatin Shkëndi, shtetasi A.B., rreth 32 vjeç, duke drejtuar motoçikletën ka humbur kontrollin dhe ka rënë në një kanal në anë të rrugēs, për pasojē është plagosur vetë drejtuesi i motoçikletës dhe ndodhet nën kujdesin e mjekëve.  Grupi hetimor ndodhet në vendngjarje dhe po punon për zbardhjen e shkakut të aksidentit.