Një aksident ka ndodhur para pak minutash në aksin Krahës-Mallakastër. Ngjarja ka ndodhur në afersi të fshatit Krahës Bashkia Memaliaj ku dy automjete janë përplasur me njëra-tjetrën duke shkaktuar plagosjen e 6 personave dy prej të cilëve në gjendje mjaft të rëndë.
Ka qenë automjeti tip Mercedez-Benz me targa B123OO i cili është përplasur frontalisht me një tjetër autoveturë me një shpejtësi marramendëse. Menjeherë në vendngjarje kanë shkuar forcat policore dhe ndihma e shpejtë të cilat kanë transportuar për në Spitalin e Gjirokastrës . Po hetohen shkaqet qe sollën aksidentin tragjik.
Policia e Tepelenës ka dhënë informacion zyrtar për aksidentin e ndodhur sot rreth orës 14:30, në aksin rrugor Memaliaj – Krahës, në afërsi të fshatit Krahës, teksa janë 6 persona të plagosur
Sipas policisë janë përplasur automjeti tip “Renault” me drejtues shtetasin L. F., 50 vjeç, banues në Mallakastër, me autiomjetin tip “Benz” me drejtues shtetasin A. M., 36 vjeç banues në Përmet.
Për pasojë janë dëmtuar drejtuesit e automjeteve si dhe 4 pasagjerët, të cilët janë transportuar në spital për të marrë ndihmën mjekësore.
Në vendngjarje ndodhet grupi hetimor dhe po punon për zbardhjen e shkaqeve të aksidentit .
