Duli Kasmi një nga realizuesit e flamurit Kuq e Zi në borë foli për realizimin e veprës së veçantë dhe vështirësitë që hasën. Ai theksoi se donin të realizonin diçka të veçantë për festën por nuk e dinin konkretisht se çfarë. Më pas flamurin donin ta realizonin në një livadh pa parashikuar se do binte dhe borë, gjë që e bëri dhe më të bukur.
Ai tha për Euronews se flamuri është realizuar në zonën e Krastës në Martanesh pasi plani për në Kukës dështoi.
“Ideja ishte që të bënim diçka për festën e 28 nëntorit po nuk e kishim menduat për si do e bënim. Nuk e kishim menduar as në dëborë flamurin. Ishte një sfidë për ne sepse bora e thith ngjyrën. Ne mundohemi ta sjellim festën te shqiptarët në forma nga më të ndryshme. Ne jemi gjithë kohës duke krijuar kontent për të promovuar Shqipërinë. Kishim ndihmën e piktorit Arian Sufa. Ai na ka ndihmuar shumë Arian Sufa. Donim ta realizonim në Kukës por u kthyem sepse ishin bllokuar rrugët. Më pas ikëm në Martanesh, në afërsi të Krastës”, -tha ai.
