Arrestohet në Vlorë Reshat Radhima, i dënuar me burg si pjesë e grupit të strukturuar kriminal të Habilajve. Radhima është ndaluar gjatë kontrolleve të policisë në qytetin e Vlorës, pasi GJKKO e ka dënuar atë me 4 vite e 2 muaj burg për kultivim të bimëve n arkotike dhe pjesëmarrje në grup të strukturuar.
Radhima u kap në përgjimet për drogë teksa bisedonte në vitin 2016 me Taulant Haxhirajn dhe shqetësoheshin se parcelat me hashash rrezikoheshin nga krimbi.
“Në vijim të kontrolleve është kapur dhe ndaluar shtetasi Reshat Radhima, 56 vjeç, banues në Vlorë, sepse Gjykata e Posaçme e Apelit për Korrupsionin dhe Krimin e Organizuar Tiranë e ka dënuar me 4 vjet e 2 muaj e 4 ditë burgim, për veprat penale “Kultivimi i bimëve n arkotike” kryer në bashkëpunim, në formën e grupit të strukturuar kriminal, “Pjesëmarrja në grup të strukturuar kriminal”, Kryerja e veprave penale nga organizata kriminale dhe grup i struktuaruar kriminal”, bën me dije Policia e Vlorës. o.j/dita
