Dy shqiptarë 24 dhe 29 vjeç janë arrestuar në Itali, pasi akuzohen për trafik droge. Ata akuzohen se shisnin kokainë në fshatin Limito. Mediat italiane bëjnë me dije se të arrestuarit Damiano Maiolo dhe Tritan Leika, ishin pjesë e rrjetit kriminal “Ndragheta”, organizatës që i ka rrënjët në Pioltello. Leika thuhet se kishte edhe 10 muaj e 28 ditë burg të pashlyer, për trafikim droge.
Policia ka ushtruar kontroll në banesat e tyre me qen anti-drogë, ku u gjetën 10 mijë e 500 euro para cash dhe 130 gramë kokainë të paketuar në doza gati për shitje. Po ashtu raportohet se në shtëpitë e tyre u gjetën edhe mjete për përgatitjen e dozave të kokainës dhe objekte të vjedhura.
Ky hetim filloi përpara dhjetorit 2022 dhe çoi në pranga dhjetëra persona, anëtarë të këtij rrjeti kriminal. Gjithashtu u arrestua një person tjetër i lidhur me Cosa Nostra nga Enna dhe u zbulua një përpjekje e bandës për të ndikuar në zgjedhjet komunale, fatmirësisht pa sukses.
