Një atentat me armë zjarri ka ndodhur mbrëmjen e sotme në qytetin e Pejës, Kosovë.

Mësohet se rreth orës 21:25 në rrugën “Bekim Berisha”, tre persona janë lënduar nga arma e zjarrit, të njëjtit janë dërguar në Emergjencën e spitalit për trajtim mjekësor.

Ersan Qavolli, prokurori kujdestar në Prokurorinë Themelore të Pejës, është shprehur se 3 personat e plagosur janë familjarë me njëri-tjetrin, ndërsa bën me dije se autori i kësaj ngjarjeje është shpallur në kërkim.

Faqja “Deçani”  ka publikuar pamjet e rënda, ku shihet një person me armë që afrohet dhe qëllon mbi tre të rinjtë.

Fadil Gashi, zëdhënës në policinë rajonale të Pejës tha se të plagosurit janë dërguar për trajtim mjekësor në Spitalin e Pejës.

“Rreth orës 21:25 në rrugën “Bekim Berisha “ në Pejë, tre persona janë lënduar nga arma e zjarrit, të njëjtit janë dërguar në Emergjencën e spitalit për trajtim mjekësor. Në vendin e gjarjes janë të gjitha njësitet kompentete”, tha Gashi për Express.