Aleko Myrtollari, i cili plagosi gruan e tij dy ditë më parë, është vetëdorëzuar në polici mbrëmjen e kaluar. Ngjarja e rëndë ndodhi dy ditë më parë në apartamentin që çifti kishte marrë me qira në Korçë.
Dyshohet se molla e sherrit mes çiftit ishte xhelozia e Alekos ndaj gruas së tij. Ndërkohë që sipas dëshmisë së tij, shkak nuk ka qenë xhelozia, por gruaja e tij nuk pranoi që të fillonte punë.
Gruaja Marjola Myrtollari ka marrë plagë të rënda dhe dje është transportuar në Tiranë për shkak të gjendjes së rëndë shëndetësore. Marjola ka marrë disa plagë në pjesë të ndryshme të trupit, ndërsa ka qenë vajza 16 vjeçare e çiftit që ka lajmëruar policinë.
Në momentin që Aleko plagosi gruan e tij, fëmijët i nxori nga banesa. Marjolën e gjakosur e ka gjetur vajza e tyre 16-vjeçare. Myrtollari ka qëndruar i fshehur në disa banesa të të afërmve të tij në fshatrat e Korçës deri mbrëmjen e kaluar kur u dorezua në polici.
Policia ka arritur të lokalizoje vendndodhjen e tij pas kontrollit te banesave te familjarëve te 46 vjecarit. Ndërkohë që kanë qenë të afermit e Alekos ata që e kanë bindur Myrtollarin të dorëzohet.
