Efektivët e repartit “Shqiponja” kanë bërë të mundur sot pasdite arrestimin dhe shoqërimin në komisariat edhe të dy personave të tjerë që mund të kenë lidhje me ngjarjen e sotme në Mamurras.
Të shoqëruar janë Alfred Prenga dhe Gjon Fufi. Ky i fundit është vëllai i të plagosurit Nikoll Vorfi (Fufi). Këta persona janë shoqëruar nga ambientet e Spitalit të Traumës në Tiranë dhe dyshohet se kanë dijeni për ngjarjen në fjalë.
Mesditën e sotme mbetën të plagosur policët Ilir Zeka dhe Flamur Lleja, si dhe Nikoll Fufi, pas një përplasje që ata patën me efektivët e patrullës. Në një njoftim zyrtar policia tha se ishte David Magani ai që plagosi kolegët e tij pa dashje me armën e shërbimit.
