Një plagosje me armë zjarri ka ndodhur në zonën e Yzberishtit. Sipas policisë dyshohet se pas një konflikti, ka mbetur i plagosur një ri rreth 20 vjeç.
Burime nga policia për Fax News bëjnë të ditur se i plagosur ka mbetur Klarenc Shehu, ndërkohë që policia ka identifikuar dhe autorin e ngjarjes shtetasin Ramazan Shima.
Bëhet e ditur se personi është plagosur me armë zjarri në këmbë dhe është jashtë rrezikut për jetën.
Informacion paraprak
Sot, rreth orës 17:40, në zonën e Yzberishtit, pas një konflikti të çastit është plagosur me armë zjarri në këmbë nje i ri rreth 20 vjeç, jashtë rrezikut për jetën.
Policia ka identifikuar autorin dhe po punon për kapjen dhe vënien e tij para përgjegjësisë ligjore.
