Shtetet e Bashkuara të Amerikës po zhvillojnë një plan për të parandaluar që vendet në zhvillim dhe bizneset të përvetësojnë teknologjitë e telekomunikacionit nga ndërmarrjet kineze si Huawei dhe ZTE. Masa është e diktuar nga shqetësimet e sigurisë në SHBA, pasi administrata Trump drejtoi gishtin tek teknologjia Huawei dhe ZTE që luan një rol mbizotërues në 5G me dyshimin se mund të përdorin teknologjinë për spiunazh.
Sipas agjencisë ”Bloomberg”, plani për parandalimin parashikon shpenzimin e një pjesë të 60 miliardë dollarëve të fondeve për të përballur sfidat e zhvillimit dhe përparësive të politikës së jashtme.Ndërkohë SHBA mund të financojnë zgjidhje alternative për Huawei përmes huave ose garancive të huasë për vendet dhe kompanitë në zhvillim ose të zotërojnë aksione në kompanitë që zhvillojnë teknologjitë e rivalëve kinezë.
‘’Kompanitë Huawei dhe ZTE janë në pronësi të shtetit dhe mbështeten nga subvencione publike, dhe problemi i vërtetë i Huawei nuk është Kina, por siguria e të dhënave. Ne duam të sigurojmë që kompanitë të përmbahen te disa standarde të sigurisë së të dhënave dhe mbrojtja e të dhënave personale”, deklaroi drejtori menaxhues i agjencisë DFC, Adam Boehler. /os/ a.jor.
