Policia e Lezhës ka arrestuar një 23-vjeçar, i cili qarkullonte me automjet të blinduar dhe me armë zjarri me vete.
Ndalimi i shtetasit Kevin V, banues në Fushë Kuqe të Kurbinit, me precedent kriminal në fushën e krimeve ndaj personit, u bë në Shëngjin.
Gjatë kontrollit të ushtruar në automjetin tip “Benz”, në sendiljen e pasme, brenda një çante dore, shërbimet Policisë kanë gjetur një armë zjarri pistoletë dhe një sasi municioni luftarak, të cilat u sekuestruan në cilësinë e provës materiale, së bashku me automjetin.
Materialet hetimore u referuan në Prokurorinë e Rrethit Gjyqësor Lezhë, për veprime të mëtejshme, për veprën penale “Armëmbajtja pa leje”.
