Nëse mendoni se po kaloni një ditë të keqe, po ju themi se ka edhe më kqe se ju. Pse? Ja për shembull, një çift hodhi pa dashje në mbeturina plotë 15 mijë paund, të cilat përfunduan në qendrën e riciklimit.
Çifti, emri i së cilit nuk është bërë me dije, ishin duke nxjerrë disa kuti dhe duke pastruar shtëpinë e një të afërmi të tyre, i cili kishte ndërruar jetë sëfundmi. Megjithatë, stafi i riciklimit, i cili po ndante kabujt elektrikë që ndodheshin në disa kuti, vunë re një kuti brenda së cilës kishte pajisje të ndryshme shtëpiake. Ata zbuluan edhe shumën e madhe të parave.
Me pastërtinë më të madhe të mundshme, stafi lajmëroi policinë për atë që gjeti. Përmes metodave të tyre të sofistikuara, policia gjeti se nga cila benesë kishte dalë ajo kuti dhe shuma e madhe e parave. Kur shkuan në shtëpinë e çiftit, burrë e grua ngelën të habitur dhe pranuan se kanë qenë duke pastruar banesën e një të afërmit të tyre që kishte ndërruar jetë, kohët e fundit.
Ata u paraqitën në polici dhe pas deklaratave të rastit, morën pas “dhuratën” e madhe në prag të Krishtlindjeve. Burrë e grua treguan në polici se i afërmi i tyre, i cili ishe i moshuar, kishte zakonin e fshehjes së parave nëpër shtëpi, në vende të pazakonta. Ata thonë se kurrë nuk u kishte vajtur në mendje se do të kishte fshehur para edhe në kutitë e mbushura me orendi të vjetra e mbeturina.
