Një 51-vjeçar shqiptar është arrestuar së fundmi nga policia italiane pasi akuzohet për armëmbajtje dhe plagosje e rëndë me dashje. Sipas mediave italiane 51-vjeçari shqiptar nga Artena mbrëmjen e 7 marsit ka plagosur me armë një shtetas shqiptar i cili ndodhej brenda një lokali në Artenë. Pas kësaj 51-vjeçari arriti të arratisej menjëherë dhe të zhdukte gjurmët e tij ndërkohë shqiptari tjetër u transportua në urgjencën e spitalit Colleferro me lëndime të konsiderueshme në këmbë.
Duke parë natyrën e plagës së shqiptarit, mjekët njoftuan menjëherë policinë. Kjo e fundit nisi të mbledhë prova kundrejt shqiptarit të arrtisur dhe sot mundi që ta arrestojë. 51-vjeçari shqiptar u transferua në burgun e Velletrit, ku qëndron në dispozicion të pritjes së vendimit të gjykatës.
