Policia e Korçës ka vënë në pranga Andi Mullallin, një emër i njohur për drejtësinë i cili doli nga burgu disa muaj më parë. Ai po udhëtonte me automjetin e tij BMW X5 pranë gjimanzit “Themistokli Gërmenji” ku u arrestua nga policia ndërsa i është sekuestruar një armë zjarri që e mbante me vete në makinë.
Andi Mullalli, 31 vjec rezulton me precedent të mëparshëm kriminal. Para pak muajsh la qelinë e burgut pasi ishte dënuar për grabitjen e një personi nën kërcënimin e armës. Ngjarja ndodhi në vitin 2018 pasi Klaus (Andi) Mullalli arriti të grabisë shumën prej 400 mijë lekësh dhe 130 eurosh në fshatin Boboshticë-Korçë.
