4 të rinj janë kapur nga Policia në Pogradec pasi gjatë një konflikti me njëri-tjetrin, u janë kthyer edhe efektivëve të Policisë që shkuan t’i ndanin. Efektivët sapo kanë marrë njoftim se në lagjen nr.3 të qytetit disa të rinj po konflikotheshin me njëri-tjetrin, kanë shkuar menjëherë në vendngjarje, por e kanë pësuar
Ata kanë konstatuar në lagjen nr. 3, shtetasit E. Ç., 28 vjeç, R. K., 33 vjeç, D. O., 32 vjeç dhe V. LL., 32 vjeç, banues në Pogradec, duke u konfliktuar me njëri-tjetrin për motive të dobëta. Në momentin e ndërhyrjes së forcave të Policisë për të parandaluar përshkallëzimin e konfliktit, si edhe gjatë shoqërimit të tyre në Komisariat për sqarimin e konfliktit, këta shtetas i kanë kundërshtuar me dhunë efektivët.
Specialistët për Hetimin e Krimit bënë arrestimin në flagrancë të shtetasve E. Ç., R. K., D. O. dhe V. LL., dhe materialet i kaluan Prokurorisë të Rrethit Gjyqësor Pogradec, për veprën penale “Kundërshtimi i punonjësit të policisë së rendit publik”.
