Më shumë se 10 ditë kaluar që nga ngjarja ku humbi jeten Caroline Crouch, 20-vjeçarja e cila ishte ne shtepine e saj kur tre grabites u futen.
Çështja është kthyer në një enigmë të pazgjidhshme për Policinë greke, e cila duket sikur po kërkon fantazma. Çdo ditë që kalon nxjerr një tjertër enigmë dhe mister, ndërsa të dyshuarit kanë kapur numrin e 30 personave.
Sipas “Protothema“, grabitësit hynë në shtëpinë e çiftit, mbyten te rene dhe qenin, grabitën, dolën dhe u larguan pa lënë asgjë pas. Askush nuk dëgjoi asgjë. Askush nuk gjeti as më të voglën ADN, gjë që i bën ata profesionistë pasi kanë hequr kartat e kujtesës nga sistemi i shtëpisë.
Policia “skanoi” sheshin dhe rrugët përreth shtëpisë duke kërkuar kamera dhe dëshmitarë. Nuk gjetën asgjë. Nuk ka asnjë dëshmi të vetme që konfirmon lëvizje të dyshimta atë agim fatal.
Hetuesit kanë kërkuar informacione nga kompanitë telefonike për vendndodhjet e telefonave celularë, thirrjet e bëra dhe SMS-të e marrë në zonën ku ndodhi ngjarja.
Ndërkohë nga ana tjetër, bashkëshorti i viktimës, piloti 32-vjeçar Harallambos Anagnostopoulos, duket se nuk e duron dot më presionin. Ai është nxehur me vendimin e hetuesëve, për marrjen në pyetje të psikologut të Carolinës.
“Psikologu nuk ka asnjë lidhje me kërkimin. Thjesht do të vonojë hetimin pa ndonjë arsye. Personalisht, uroj që psikologu të dëshmojë shpejt, sepse jam lodhur nga çdo gjë që nuk ka lidhje me rastin. Kam gjëra më serioze për t’u shqetësuar për momentin. Mundohem të vajtoj gruan time pa e mërzitur vajzën time në të njëjtën kohë. Çdo ditë është shumë e vështirë,“-tha piloti.
