Një granatë është gjetur pranë banesës së ish-komandatit të FNSH-së në Laprakë. Me një njoftim shumë pak të detajuar, policia nxitoi që të deklaronte se në një shkurre është gjetur një granatë dore e vjetër, e ç’aktivizuar.
Po ashtu policia bënte me dije se granata është marrë nga forcat xheniere pa asnjë problem. Por nga një vëzhgim i Fax News në këto momente në terren, është konstatuar se granata nuk është larguar ende nga vendi i ngjarjes dhe se forca të policisë po mbajnë të rrethuar akoma perimetrin e sigurisë.
Banorët e zonës janë shprehur shumë të shqetësuar, duke pohuar jashtë kamerave se kanë që prej orës 17:00 që po presin që ekspertët të heqin atë nga vendi ku është gjetur. Ende nuk ka një njoftim zyrtar në lidhje me procesin e heqjes së granatës nga vendi i ngjarjes, ndërkohë që banorët ndihen të frikësuar.
