Emri\ Policia ‘zbarkon’ te Spitali i Traumës/ Shoqërohen disa mjekë, njëri u kap në flagrancë duke marrë para

Një aksion i policisë është kryer sot në ambjentet e Spitalit të Traumës në Tiranë.

Ndaj mjekëve të shoqëruar është ngritur akuza e korrupsionit.

Një mjek i Spitalit Ushtarak të Traumës është vënë në prangat e policisë në Tiranë.

Sipas informacioneve të para, mësohet se mjeku është Fitim Marku dhe është kapur në flagrancë nga policë të infiltruar. Paraprakisht raportohet se mjeku që punon te skaneri i spitalit ka marrë të paktën 200 euro rryshfet.

Dyshohet se edhe një mjek tjetër është i përfshirë në një skemë korruptive, ndërsa hetuesit dhe efektivë të policisë ndodhen brenda ambienteve të spitalit.