Ditën e djeshme në emisionin’ Rudina’ ka qenë çifti i njohur i ekranit gazetarja Fabiola Hoxha së bashku me Indrit Hoxha, anëtar i Këshillit Kombëtar të Partisë Demokratike për të folur për lidhjen e tyre të dashurisë.
Ata prej 3 vitesh kanë zyrtarizuar lidhjen e tyre, por Fabiolës ende nuk i kishte ardhur asnjë propozim për martesë deri në momentin që Indriti e mori të vallëzoje mes studios së Rudinës dhe është ulur në gjunjë me një unazë në dorë. Fabiola është emocionuar shumë dhe e ka përqafuar atë. Ajo është shprehur se nuk e ka pritur që kjo gjë të ndodhte dhe se ishte surpriza më e bukur që ka marrë në jetë.
Ata zbuluan janë njohur para tre vitesh rastësisht ku të dy po bënin punën e tyre. Takimi i parë ka qenë në 2015, në periudhën e protestave të PD-së. Indriti ka qenë prej vitesh i angazhuar në PD me babain i tij, Fatmir Hoxha ( kreu i Shoqatës të të Përndjekurve Politikë) i cili është ndarë nga jeta para 2 viteve. Në një nga protestat e 2015, Indriti, pjesëmarrës në protestë, shoqërohet nga policia së bashku me shumë figura dhe deputetë të PD-së në Komisariatin Nr 1.
