Grida Duma, e mandatuar si deputete për Partinë Demokratike për zonat e Kavajës dhe Rrogozhinës, përmes një postimi në rrjete sociale, i shpreh mirënjohjen demokratëve të këtyre zonave, për mbështetjen e dhënë në zgjedhjet e 25 prillit. Ndër të tjera ajo shkruan se ka zhvilluar biseda në Golem, Synej e Luz, ku në fokus ka qenë merita e qëndrimet e vyera të banorëve të këtyre zonave.
Gjithashtu ajo, falenderon banorët e këtyre komuniteteve, që në momente të tilla nuk përkulen. “Kontributet e demokratëve, shqiptarëve që na besuan e votuan, kanê sot mirënjohjen më të madhe e të thellë!
Në Golem, Synej e Luz, zhvilluam biseda të qarta për meritën e qëndrimet e vyera së pari të demokratëve. Falenderime për gjithë që nuk u përkulën dhe vijojnë në momente të tilla të mos përkulen! Demokratët nuk dorëzohen!”, shkruan Grida Duma.
