Duke vlerësuar rolin e pushtetit vendor në mbrojten dhe promovimin e vlerave autentike të trashëgimisë kulturore, Drejtori i Postës Shqiptare z. Laert Duraj, firmosi marrëveshjen e bashkëpunimit me kryetarin e Bashkisë së Himarës, z. Jorgo Goro, për mbështetjen e festivalit multikulturor “Netët e Bejkës së bardhë”. 🤝🤝
Organizimi i këtij festivali ka për qëllim ruajtjen, mbrojtjen, propagandimin dhe promovimin e vlerave më të mira artistiko-kulturore, trashëgimisë kulturore, posaçërisht të polifonisë me Iso, si dhe vlerave etnomuzikore, etnokoreografike, etnografike, të kostumeve popullore, veglave muzikore, ritet dhe zejet, vlerat e kulinarisë, dhe të dukurive të tjera të trashëgimisë kulturore të zonës.
Posta Shqiptare do të promovojë zhvillimin e festivalit “Netët e Bejkës së bardhë”, duke synuar gjallërimin e jetës kulturore të qytetit të Himarës dhe të fshatrave përreth, për të përcjellë në publikun e gjerë vlerat më të mira artistiko-kulturore dhe interpretative të zonës së Jugut dhe të Shqipërisë në përgjithësi.
