Në kuadër të evidentimit të problemeve në Triportin e Vlorës Prefekti i Qarkut Vlorë së bashku me sektorin e monitorimit ne institucionin e Prefektit, ka zhvilluar takim me pjesëmarrjen e Agjencisë Rajonale të Shërbimit Veterinar dhe Mbrojtjes së Bimëve, Drejtorinë e Autoriterit Kombëtar të Ushqimit, Inspektoriatin e Mjedisit, Pyjeve Ujërave dhe Turizmit, Njësinë Vendore të Kujdesit ndaj Shëndetit Publik, Drejtorinë Rajonale të Inspektoriatit Shtetëror të Punës, Kapitenerinë e Portit Vlorë, Portin Detar sh.a Vlorë, Inspektoriatin Shtetëror Shëndetsor, Drejtorinë Rajonale të Mjedisit dhe Sektorin Rajonal të Peshkimit.
Në takim u diskutuan të gjitha problematikat e evidentuara, detyrat e caktuara në datë 22 Janar dhe më pas u rivlerësua cdo detaj në terren me të gjithë përfaqësuesit e institucioneve. Cdo institucion do të materializojë problemet e evidentuara brenda kompetencave që përfaqëson dhe do të dërgojë raport të detajuar pranë Institucionit te Prefektit të Qarkut Vlorë. Raporti përfundimtar i përpiluar nga institucioni i Prefektit do të dërgohet në Ministritë Përgjegjëse dhe për dijeni Kryeministrit.
Categories
Lajme