Prefekti i Qarkut Vlorë, në cilësinë e Kryetarit të Këshillit të Basenit Ujor Vjosë, ka zhvilluar mbledhjen e radhës së Këshillit në ambjentet e institucionit të Prefektit të Qarkut Gjirokastër, me prezencë të Prefektit të Qarkut Gjirokastër z. Astrit Aliaj dhe pjesëmarrje të Drejtoreshës së Përgjithshme të Agjencisë së Menaxhimit të Burimeve Ujore, znj. Gerta Lubonja, përfaqësues nga Drejtoria Rajonale e Shëndetit Vlorë, Bashkitë Gjirokastër, Fier, Dropull, Libohovë, Mallakastër, Memaliaj, Delvinë, Himarë, Agjencia e Menaxhimit të Burimeve Ujore si dhe përfaqësues të grupeve të interesit. Në mbledhje janë diskutuar problemet e hasura gjatë praktikës së punës dhe u trajtuan tre projekt vendime të rëndësishme, dy prej të cilave lidhen me ecurinë e punimeve në dy rrugë të rëndësishme “Kardhiq-Delvinë” dhe “Rruga e Lumit të Vlorës”.
