Categories Kulture

Prek trashëgiminë ,shpella e Spilesë në Himarë

Shpella e Spilesë

Statusi i objektit: Shpella e Spilesë në Himarë është shpallur monument kulture i kategorisë së parë nga Rektorati i Universitetit Shtetëror të Tiranës me urdhëresë nr. 6, datë 15.01.1963 dhe Ministria e Arsimit dhe Kulturës me vendim nr.1886, datë10.06.1973.

Viti/koha e ndërtimit: Periudhat prehistorike të Mezolitit dhe Eneolitit.

Vendndodhja: Qyteti i Himarës, Bashkia Himarë.

Përshkrimi: Shpella e Spilesë ndodhet në qytetin e Himarës, në gjirin me të njëjtin emër. Shpella ka përmasa të brendshme 7.40 x 28 m dhe një hyrje 8.50 m të gjerë. Ajo është gërmuar për herë të parë në vitin 1939 nga arkeologu italian L. Cardini dhe u zbuluan materiale arkeologjike, të cilat dëshmonin se ajo ka qenë e banuar qysh në periudhën eneolitike dhe gjatë periudhave antike e mesjetare. Shpella u rigërmua në vitet 2002-2003 nga një projekt shqiptaro-anglez i drejtuar nga arkeologët I. Gjipali, K. D. Frencis dhe D. J. Beskoni. Nga ky gërmimi u zbuluan materiale që e datojnë atë si vendbanim i përdorur që në periudhën mezolitike, por u përftuan gjithashtu informacione me rëndësi për historinë e formimit të gjirit të Himarës, për fillimet e depoztimeve në shpellë, për florën dhe faunën e mjedisit, për praninë e më shumë shtresave kulturore, datime relative e absolute nëpërmjet analizave të C14, të cilat mund të shërbejnë si pikë referimi për periudhat prehistorike të territorit të bregdetit Jonë dhe më gjerë. Shpella nuk ka shërbyer si vendbanim i përhershëm sepse nuk u gjetën mbetje të strukturave të qëndrueshme, por si një vend i përdorur për periudha të shkurtra. Qeramika e importuar e periudhës antike, dëshmon se Himara ka pasur kontakte me qendra të rëndësishme të mesdheut.
Në fazën e ardhshme të rikualifikimit urban të qytetit të Himarës, Shpella e Spilesë do të integrohet në hapësirën urbane të qendrës së Himarës me të gjitha vlerat e saj arkeologjike, historike dhe natyrore, si një monument i vizitueshëm nga të gjithë.

Bibliografia: K. Francis, I. Gjipali., Explorations in Albania, 1930-1939, Luigi Cardini, in Relocating Luigi Cardini’s caves : New surveys in southwestern Albania, 2005 f. 193- 203; I. Gjipali., Kërkime arkeologjike në bregdetin Jonian, Himara në Shekuj, A.SH.E.SH, 2006 f. 49-50; K.D. Francis, D.J. Bescony and I. Gjipali., A Preliminary Investigation of Tow Prehictoric Cave Sites in Southern Albania, The Annual of the British School at Athens, Vol 104, November 2009, f. 9-26.

Funksioni: Vendbanim prehistorik, monument kulture.

Hyrja: Pa biletë

Itinerari: Shpella e Spilesë ndodhet buzë rrugës, pranë shëtitotres së Himarës dhe drejt saj mund të shkohet me çdo mjet transporti.

Pozicioni në Google Map:
https://goo.gl/maps/yZPUwYKbDcn

Leave a Reply

Your email address will not be published. Required fields are marked *

Lexoni Gjithashtu

Categories Kulture

Tirana, një qytet që lindi nga rastësia

Të  lindësh në kryeqytetin e çdo vendi natyrisht është privilegj i çdo qytetari të tij.…

LEXO ME SHUME
Categories Kulture

Shkolla Tregtare Vlorë, detyrimi moral për vlonjatët

Nga Ergys Alushi Qyteti i Vlorës e ka detyrim moral, qytetar e historik të festojë…

LEXO ME SHUME
Categories Kulture

Histori shqiptarësh me famë në historinë mbarë europiane

Nga Ndriçim Kulla Një komb që të ketë tagër për pavarësi politike, s’mjafton që të…

LEXO ME SHUME
Categories Kulture

Sot 10 vite pa Vaçe Zelën, e bija: Pa ty bota është më e varfër

Vaçe Zela ndërron jetë 10 vite më parë, në moshën 75-vjeçare ndërsa njihej ndryshe si…

LEXO ME SHUME
Categories Kulture

Veprat e vjedhura të Chagall dhe Picasso gjenden në një bodrum në Antwerp

Dy piktura të Marc Chagall dhe Pablo Picasso janë gjetur në një bodrum në qytetin…

LEXO ME SHUME