Princesha Delphine e Belgjikës ka takuar për herë të parë në jetën e saj vëllain e saj mbretin Filipin, pas një luftë të gjatë për fronin mbretëror. Motra dhe vëllai kanë shijuar një takim të ngrohtë të premten e shkuar, gjë që është bërë e ditur në llogarinë zyrtare të familjes mbretërore në Facebook.
Princesha Delphine, sot 52 vjeç, ka shpenzuar gjithë jetën e saj për t’u njohur si vajza e ish mbretit Albert. Pretendimet e saj u pranuan në muajin janar, ku gjykata i caktoi asaj të njëjtat të drejta dhe pasuri si vëllezërit dhe motra e saj nga martesa e të atit.
Delphine Boël, një artiste, fitoi të drejtat e plota mbretërore më 1 tetor, ku sipas ligjit, ajo dhe dy fëmijët e saj mund të mbajnë tashmë mbiemrin e babait të saj, Saxe-Cobourg. Ajo do të marrë pjesën e saj të pasurisë pas vdekjes së ish-mbretit Albert, të cilën do e ndaj me tre fëmijët e tij të tjerë princin Laurent, Princesha Astrid dhe mbretin aktual Filip. Princesha Delphine është fëmija i lindur nga një lidhje jashtë martesore e mbretit Albert. E vërteta u bë publike fillimisht në vitin 2005 dhe vetëm pas vitit 2013, ish-mbreti tashmë 86 vjeçar pranoi të bënte testin e AND.
