Categories Lajme

Pritet përkeqësimi i motit / Peleshi: Do të kemi mobilizimin e të gjitha bashkive

Sinoptikanët parashikojnë se mesditën e kësaj të hëne do të nisin reshjet e shiut dhe pritet të jenë prezentë deri në mesin e kësaj jave.

Në një komunikatë për mediat, Ministri i Mbrojtjes Niko Peleshika ju ka bërë thirrje kryetarëve të bashkive që të merren masa në rast se do të ketë problematika në zona të caktuara të vendit si pasojë e reshjeve të shiut.

Gjatë fjalës së tij, Peleshi është shprehur se kjo nuk është një situatë, e cila do të ketë nevojën e strukturave të larta pasi sipas tij mund të menaxhohet lokalisht.

Niko Peleshi: Duke filluar nga sot pas mesditës në pjesën kryesisht veri-perëndimore të vendit, duke u përhapur në pjesën tjetër të vendit, do të kemi intensitet të reshjeve, me intensitet mesatar dhe deri diku të lartë.

Po e bëj këtë komunikim për të shmangur emergjencat që mund të jenë deri diku dhe lokale, jemi në një stinë që nuk favorizon përmbytjet, një lajm i mirë është menaxhimi i kaskadës që nuk do të ketë nevojë për shkarkim, e cila ndodh vetëm kur kemi reshje me intensitet të lartë dhe kur jemi të detyruar të bëjmë shkarkime të detyruara në të gjithë kaskadat e Drinit, Fierzës dhe Komanit.

Shkarkimet do të jenë zero në të gjithë territorin, vetëm intensiteti i përqëndruar në kohë i reshjeve në lokalitete në pjesën veri-perëndimore mund të shkaktojë fryrje të përrenjve dhe në situatë që mund të bëhet shkak për përmbytje lokale. Shpresojmë që kjo do të parandalohet, por gjithsesi do të kemi mobilizimin e të gjitha bashkive por edhe kryepleqtë e fshatrave, banorët, të shmangin lëvizjet në rrugë të cilat kërcënohen, të sinjalizojnë në kohë në rast të një rrëshqitje apo situatë që duhet ndërhyrja e emergjencave.

Nuk është një situatë, e cila do të ketë nevojën e strukturave të larta, mund të menaxhohet lokalisht por e kemi për zakon dhe është një zgjedhje e mirë të lajmërojmë në kohë për të shmangur dëmtimet jo e jo në njerëz por edhe në dëme materiale.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

46-vjeçari gjendet i pajetë nga familjarët para banesës së tij, ja çfarë dyshohet

Një 46-vjeçar është gjendur i pajetë nga familjarët para banesës së tij në fshatin Selcë e…

LEXO ME SHUME
Categories Lajme

Atentati ndaj ish-prokurorit Arjan Ndoja, SPAK mbyll hetimet për gjashtë të pandehurit, dërgon për gjykim dosjen

SPAK ka përfunduar hetimet për atentatin ndaj ish-prokurorit Arjan Ndoja, ku vdiq shoferi i tij…

LEXO ME SHUME
Categories Lajme

Këmbimi valutor/ Me sa blihen e shiten dollari dhe euro, çfarë ndodh me monedhat e tjera

Në tregun e këmbimit valutor shqiptar sot një dollar do të blihet me 92.1 lekë…

LEXO ME SHUME
Categories Lajme

Video- Vlorë/ Vihet në pranga 39-vjeçari, goditet një tjetër rast i mbajtjes së armëve, pa leje

Vlorë/Në zbatim të masave të planit operacional “Sundimi i ligjit”, goditet një tjetër rast i…

LEXO ME SHUME
Categories Lajme

Drejtonte makinën në efektin e drogës/ Humb drejtimin e mjetit dhe përfundon në një banesë private, arrestohet shoferi

Një aksident ka ndodhur në Tiranë, ku një shofer i cili drejtonte mjetin nën efektin e…

LEXO ME SHUME