Frikë në shtëpinë e Barcelonës, ku Aguero pas disa shqetësimeve në fushën e blertë gjatë ndeshjes ndaj Alaveshit, e përfunduar me rezultatin 1-1, është zëvendësuar në minutën e 41′ me Kutinjon sepse ka shfaqur probleme kardiake. Sulmuesi argjentinas ka ndjerë shqetësime dhe ka rënë në tokë me një dorë në kraharor duke shfaqur vështirësi në frymëmarrje.
E menjëhershme ka qenë ndihma e parë e mjekëve teksa e dërguan numrin 19 të katalanasve në spital për kontrolle të detajuara. Këtë lajm e ka bërë vetë publike klubi i Barcelonës teksa ka thënë se Aguero ka ndjerë shqetësime në gjoks dhe e kanë transportuar menjëherë në spital.
