Kryeministri Edi Rama ka publikuar projektin e një parku të ri që do të ndërtohet në qytetin e Durrësit. Në një postim në rrjetet sociale, kreu i qeverise e ka cilësuar si “vala e re” për Durrësin, ndërsa thekson se bëhet fjalë për një park të madh për fëmijë dhe të rritur.
“MIRËMËNGJES
dhe me “Valën” e re të Durrësit që do të ngrihet në lagjen 18 si një park i madh urban për fëmijë e të rritur, pjese e programit të ri kombëtar të Fondit Shqiptar të Zhvillimit, “DUA TË LUAJ”, ju uroj një javë të mbarë ”, shkruan kreu i qeverisë.
