Në zbatim të vendimit të Këshillit Kombëtar të Restaurimit nr. 160, datë 28.05.2019, dhe vendimit të Këshillit Kombëtar të Arkeologjisë nr. 137, datë 25.05.2019, për miratimin e projektit “ Ndërhyrje rehabilituese dhe konservuese në nekropolin e Parkut Arkeologjik të Amantias”, D.R.K.K-Vlorë në partneritet me European Heritage Volunteers, ka nisur punën për realizimin e këtij projekti. Pjesë e këtij projekti si eksperte e jashtme për konservimin është edhe Barbara Guimil përfaqësuese e Escola Superior de Conservación e Restauración de BBCC de Galicia. Në këtë projekt si pjesë e trajnimit të vullnetarëve nga vende të ndryshme të botës, po realizohen edhe leksionet të hapura e prezantime të eksperiencave të ndryshme në fushën e arkeologjisë dhe menaxhimit të trashëgimisë kulturore nga specialistë të D.R.K.K-Vlorë, Parkut Arkeologjik Kombëtar të Apollonisë, European Heritage Volunteers etj. #DRKKVlore #VizitoniParkunArkeologjikteAmantias
