Gjukata e Tiranës ka liruar 39 të arrestuarit gjatë 4 ditëve të protestave. Ata janë liruar ditën e sotme dhe Prokuroria ka kërkuar masën e sigurisë “detyrim paraqitje”, përveç një personi me probleme të shëndetit mendor.
Ndryshe nga sa ka kërkuar policia, për 4 akuza të referuara në Prokurori, Prokuroria i ka proceduar vetëm për 2 akuza “Pengim qarkullimi” dhe “Prishje të qetësisë publike”,. Ditën e djeshme kanë dalë para Gjykatës 5 protestues për të cilët u vendos gjithashtu masa e sigurisë “detyrim paraqitje.”
Kalaja: Shumica e arrestimeve janë bërë nga persona civilë, duke ushtruar dhunë. Këta persona duhet të shkarkohen. Duhet të shkarkohet ministri i Brendshëm, drejtori i policisë së shtetit, drejtori i policisë Tiranë.
Avokatja Adriana Kalaja u shpreh se këto janë arrestime me urdhër politike për të ushtruar presion ndaj atyre që kërkojnë të drejtat kushtetuese nëpërmjet protestës.
