4 persona janë vënë nën hetim nga policia e Vlorës, pasi akuzohen si organizatorë të protestës të mbajtur dje në Sheshin e Flamurit, kundër shndërrimit të tij në një terminal autobuësh.
Sipas policisë O. B., 27 vjeç, A. K., 25 vjeç, A. A., 49 vjeç dhe A. K., 43 vjeç akuzohen për veprën penale Organizimi dhe pjesëmarrja në grumbullime dhe manifestime të paligjshshme.
Rikujtojmë se dje shoqëria civile protestoi kundër projektit të qeverisë duke e konsideruar madje si një përdhosje të simboleve kombëtare, ndërsa hodhën akuza të drejtpërdrejta ndaj kreyministrit Edi Rama.
Njoftimi:
– O. B., 27 vjeç, A. K., 25 vjeç, A. A., 49 vjeç dhe A. K., 43 vjeç, banues në Laprakë, Tiranë, për veprën penale “Organizimi dhe pjesëmarrja në grumbullime dhe manifestime të paligjshshme”, pasi kanë organizuar grumbullim dhe manifestim të paligjshëm, në Sheshin e Flamurit, në Vlorë.
