Kanë ndryshuar rregulat e zhvillimit të testimit për maturën shtetërore.
Autoritet kanë marrë masa që testimi, duke nisur që nga monitorimi me kamera, duke hequr kështu polemikat e krijuara pothuajse çdo vit për kopjim.
Kreu i Drejtorisë së Arsimit Parauniversitar, Rezarta Alla, thotë se përveç kamera, do përdoren edhe sallat e pallateve të sporteve dhe palestrat e shkollave, në mënyrë që nxënësit të jenë më të kntrolluar.
“Ministria ka këmbëngulur që të akomodohen në mjedise të mëdha të hapura. Për të eleminuar të gjitha hamendësimet të cilat janë të lidhura me mënyrën e menaxhimit. Vëmendja ka qenë te mjediset e mëdha. Jo çdo mjedis do të vezhgohet nga kamerat, por aty ku mundet.”– tha Alla.
Numri i qendrave të provimit do jetë më i ulët, por do ketë më shumë mësues që do monitorojnë procesin. Këtë vit do ndryshojë dhe procesi i rikorrigjimit të provimeve i kontestuar çdo vit
Provimet për maturën shtetërore nisin në 1 Qershor me atë të Gjuhës së Huaj, në 7 Qershor Gjuha Shqipe dhe Letërsia, në 13 qershor Matematika dhe në 19, lëndët me zgjedhje.
