Kryeministri Edi Rama, njëkohësisht edhe kryetari i Partisë Socialiste, pritet ti shpallë një pjesë të emrave të kandidatëve për kryetar bashkie në Kongresin Zgjedhor të Partisë që pritet të mbahet më datë 23 mars.

Ky ishte një nga vendimet e marra sot në Kryesinë e Partisë Socialiste, që vazhdoi punimet në ditën e dytë të saj.

Pas shkarkimeve të 7 ministrave një ditë më parë, pritet me interes të mësohet se kush do drejtojë dy postet e mbetura bosh në komisionin e Ekonomisë, ku Erion Braçe u zgjodh zv/ kryeministër dhe Komisioni i Veprimtarisë Prodhuese, ku Eduard Shalsi u emërua ministër i Shtetit për Mbrojtjen e Sipërmarrjes.

Ndërkohë  vend i mbetur bosh, është edhe ai i nënkryetarit të Komisionit të Integrimit, pas emërimit të Bledi Çuçit si ministër i Bujqësisë.

Kryetarët e Komisioneve, poste të cilat propozohen nga kryetari i grupit parlamentar dhe i miraton më par kryesia e partisë, pritet të bëhen publikë në fillim të sesionit të ri parlamentar.