Gjatë 24 orëve të fundit në Serbi janë konfirmuar 157 raste të reja me koronavirusin e ri (COVID-19), kurse katër të tjerë kanë vdekur nga virusi. ”Në 24 orët e fundit janë testuar 5 086 persona”, deklaroi zëvendësdrejtoresha e klinikës infektive Ivana Milosheviç, e cila theksoi se janë të infektuar 3,08 për qind e tyre.
Aktualisht në spitalet e Serbisë janë shtruar 2 286 pacientë dhe 57 janë në respiratorë. Që nga fillimi i pandemisë së koronavirusit, në Serbi janë konfirmuar 9 326 raste, me 189 të vdekur dhe 1 426 të shëruar.
