Kryeministrja e Italisë, Giorgia Meloni, mbërriti rreth një orë më parë në Shqipëri përmes portit të Vlorës, aty ku është pritur nga kryeministri i vendit Edi Rama.
Mësohet se kryetarja e qeverisë italiane ka zgjedhur Shqipërinë për të kaluar disa ditë pushimi këtë herë dhe jo për të zhvilluar një vizitë zyrtare.
Pas zbarkimit në portin e Vlorës, Meloni, së bashku me familjarët e saj, kanë shkuar te Rezidenca Qeveritare në Vlorë.
Nuk dihet ende nëse ky do jetë destinacioni përfundimtar i Melonit gjatë vizitës në Shqipëri, apo diku tjetër.
