Qendra Rinore Vlorë si pjesë e Rrjetit për Fuqizimin dhe Angazhimin e OSHC-ve për Efiçencën e Energjisë në Shqipërinë e Jugut paraqiti para institucioneve vendore, komunitetit dhe shoqërisë civile aksione dhe nje raport monitorimi mbi Eficencën e Energjisë dhe Energjinë e Rinovueshme.
Rrjeti për Fuqizimin dhe Angazhimin e OSHC-ve për Efiçencën e Energjisë në Shqipërinë e Jugut është një rrjet rajonal i ngritur nga një konsorcium i disa organizatave të shoqërisë civile, udhëhequr nga Instituti për Ndryshim dhe Lidership në Shqipëri dhe mbështetet nga projekti GREEN-AL – Fuqizimi i Organizatave të Shoqërisë Civile për Mbrojtjen e Mjedisit në Shqipëri, financuar nga Agjencia Ndërkombëtare Suedeze për Bashkëpunim dhe Zhvillim me fondet e Qeverisë Suedeze, dhe zbatohet nga Co-Plan dhe organizatat partnere.
Në kuadër të projektit ‘Rrjeti për Fuqizimin dhe Angazhimin e OSHC-ve për Efiçencën e Energjisë në Shqipërinë e Jugut’, Qendra Rinore Vlorë, së bashku me partnerët e Institutit për Ndryshim e Lidership në Shqipëri, organizuar në qytetin e Vlorës, përgjatë 1 viti tashmë, workshope e takime advokuese në lidhje me zbatimin e masave të Energjisë Efiçente dhe Energjisë së Rinovueshme në bashkinë e Vlorës. Qndra Rinore e Vlorës, veç advokimit, realizoi një raport monitorimi sa i përket mënyrave sesi Bashkitë realizojnë politikat, prokurimin, menaxhimin dhe mirëmbajtjen e shërbimeve publike.
Disa nga rekomandimet me kryesore te këtij monitorimi ishin: Zbatimi i Strategjisë Kombëtare për Energjinë dhe Planit Kombëtar për Energjinë dhe Klimën: Bashkitë duhet të përafrojnë strategjitë dhe planet e tyre vendore të energjisë me Strategjinë Kombëtare Shqiptare të Energjisë, duke promovuar një sektor energjetik efiçent, të qëndrueshëm dhe të ndërgjegjshëm ndaj mjedisit. Masat e Infrastrukturës për Efiçiencën e Energjisë: Bashkitë inkurajohen të zbatojnë masa për efiçencën e energjisë, duke përfshirë investime të shpejta që përmirësojnë efikasitetin e energjisë në ndërtesat e tyre, ndriçimin publik, transportin, furnizimin me ujë dhe sistemet e menaxhimit të mbetjeve.
Ndërgjegjësimi dhe pjesëmarrja e publikut: Bashkive u kërkohet të rrisin ndërgjegjësimin e qytetarëve dhe palëve të interesit për përfitimet dhe mundësitë e efiçencës së energjisë dhe energjisë së rinovueshme.
Ata duhet t’i përfshijnë ata në planifikimin dhe zbatimin e masave të efiçiencës të energjisë dhe të promovojnë ndryshimet e sjelljes dhe praktikat më të mira.
Organizatat e shoqërisë civile që veprojnë në qytet, studentë të universitetit ‘Ismail Qemali’, përfaqësues të komunitetit, përfaqësues të bashkisë e institucioneve të tjera publike, janë bërë pjesë e aktiviteteve advokuese. Workshope e takime informuese po ashtu janë realizuar edhe me këshillin bashkiak të qytetit, me anëtarët e së cilit diskutuam mbi gjetjet e raportit të monitorimit dhe së bashku me to edhe rekomandimet për hapat e mëtejshëm që duhet të merren nga bashkia Vlorë për realizimin e planeve locale të Efiçencës së Energjisë.
