Steve Banks, një menaxher në kantierin e ndërtimit nga East Tilbury, Essex në Angli shkoi në spital për një kontrroll të thjeshtë dhe pas disa minutash gjendja e tij u përkeqësua aq shumë sa përfundoi në gjendje kome. Babai i dy fëmijëve i cili nuk kishte probleme shëndetësore më parë filloi të përkeqësohej më shumë duke pasur problem në zemër, në veshka dhe probleme në frymëmarrje. Ai qëndroi në intubim për 50 ditë me radhë dhe gjatë kësaj kohe familja e tij po përgatitej për më të keqen.
Steve tha: Nuk mbaj mend shumë gjëra sepse pasi shkova në spital u rrëzova. Kur u zgjova, isha në një spital tjetër, nuk mund të flisja dhe kishte shumë infermierë rreth meje duke u duartrokitur. Ishte një moment i pa imagjinueshëm.
Por si organet e tij edhe fizionomia e Steve kishte ndryshuar. Ai ishte dobësuar shumë dhe nuk është në gjendje të ecte pa paterica.
Ai tha: Unë isha një person shumë aktiv, u përpoqa të kujdesem për veten time. Unë isha një njeri i fiksuar pas palestrës dhe gjithnjë ngrija pesha. Por kjo më goditi papritur dhe kur u zgjova u pashë në pasqyrë dhe nuk e njoha veten.
Gruaja e Steve, Lisa tregoi se ishte e frikësuar dhe gjithë kohës jetonte me ankth dhe stres.
Ajo shtoi: Nuk doja që fëmijët e mi të rriteshin pa babin e tyre. Më pas kur ai u kthye në shtëpi nuk mund ta besoja, nuk më dukej e vërtet. Ne ishim të gjithë shumë të lumtur.
Burimi:LADbible| Përktheu dhe Përshtati: JOQ-Albania
