VLORË – Një krim makabër ndaj një qenieje të pambrojtur ka tronditur opinionin publik në Vlorë. Një këlysh i vogël, vetëm 1 muajsh, është përdorur si shënjestër e gjallë nga persona të papërgjegjshëm, të cilët kanë zbrazur mbi trupin e tij të brishtë disa plumba arme gjahu.
Për dy muaj rresht, kjo krijesë e pafajshme ka përpëlitur në dhimbje të papërshkrueshme, me plumbat e mbetur në mish, deri sa sot, në moshën 3-mujore, është gjetur dhe dërguar me urgjencë në spital.
Animalistja vullnetare, Entela Guberaj, e cila denoncoi rastin, shprehet e shokuar nga shkalla e agresivitetit dhe mungesa totale e humanizmit. Kush janë këta “gjuetarë” që ushtrojnë qitjen mbi një klysh rruge? Ky nuk është thjesht një akt kundër një kafshe, por një alarm social për shkallën e lartë të rrezikshmërisë së individëve që qarkullojnë të armatosur nëpër qytet. Autoritetet duhet të veprojnë menjëherë: Ky akt barbar nuk mund të kalojë pa ndëshkim!
Nga Erand Haruni
