25-vjeçari me inicialet K.Ç. , i cili ra nga kati i 3-të i banesës së tij dhe ndërroi jetë rrugës për në spital, kishte prerë ditën e dasmës. Këtë detaj që e bën akoma më tē rëndë ngjarjen e ndodhur në Krujë e ka bërë me dije vetë kushëriri i të riut. Në një koment në rrjetet sociale, i afërmi vajton për të riun dhe shkruan se familja priste ta martonte.
“Ah more kusho pritem te te martonim neser e ti na ike nga jeta,”- shkruan kusheriri I tij. Ngjarja e rëndë u regjistrua ditën e djeshme në Krujë. I riu ra në mënyrë aksidentale nga kati i tretë i shtëpisë së tij. Ai u nis për në spital, por vdiq rrugës si pasojë e plagëve të marra.
