Kryeministri i Shqipërisë Edi Rama ka përshëndetur miratimin nga Kuvendi i Kosovës të projektligjit të propozuar qeveria për transformimin e Forcës së Sigurisë në ushtri.
‘Lavdi dëshmorëve të Kosovës dhe bekuar qoftë ushtria e sapolindur e Republikës së Kosovës’ shkruan Rama në Twitter.
Projektligji për Ministrinë e Mbrojtjes është miratuar në seancën e sotme plenare me 101 vota, ai për Forcën e Sigurisë së Kosovës me 98, kurse projektligji për shërbim në Forcën e Sigurisë së Kosovës me 96 vota.
