Kryeministri Rama ditën e sotme, ndodhet në Abu Dabi, ku ka firmosur me Emiratet e Bashkuara një marrëveshje për financimin prej tyre dhe ndërtimin e 2000 apartamenteve të reja në Durrës, një vit pas tërmetit shkatërrues që goditi më shumë Durrësin.
“Rastësia e desh që sot të jem në Abud Dabi për të firmosur financimin e 2000 apartamenteve në Durrës. Princi në atë ditë të zymtë hapi derën e shtëpisë së tij dhe ofroi ndihmë. Ministri i rindërtimit ka punuar ngushtësisht me inxhinierët e vënë në dispozicion nga princi.
Qeveria shqiptare do të financojë infrastrukturën e lagjes në spitallë ndërsa financuesi i Khalifas do të realizojë banesat e spitallës dhe banesat e reja që do të ndërtohen në vend të pallateve të shembura në Durrës. Sot do të firmosim marrëveshjen mes dy qeverive”,u shpreh Rama.
