Kryeministri Edi Rama thotë se gjyqtarët po sillen si arrogantë dhe e trajtojnë pushtetin e tyre si të pakufizuar dhe pakontrollueshëm.
“Unë nuk mendoj që ju nuk keni problem të regjistroheni, të keni nipt, të paguani tatime. Unë mendoj se ju jeni arrogantë, keni arrogancë një pushteti, që ju e trajtoni si pushtet të pakufizuar, të pakontrollueshëm.
Unë jam palë dhe flas në emër të një pale, ju nuk jeni palë dhe nuk mund të flisni si pale.
Ju nuk mund t’i trajtoni të tjerët si palë që i vini në shënjestër, që keni dhe gurin dhe arrën, por jo për të rritur pagat tuaja”, u shpreh Rama.
Rama: Po kërkoni të ndërhyni në politikën e pagave, nuk mund ta keni ju këtë epërsi
Kryeministri Edi Rama thotë se me kërkesën për rritje page, gjyqtarët po kërkojnë të ndërhyjnë në politikën e pagave.
“Ju thoni që kundërvënia e kësaj qëndrese, cila është kjo kundërvënie? Nuk mund ta keni ju këtë epërsi. I është dhënë epërsi Prokurorisë së Posaçme dhe Gjykatës së Posaçme për shkak të funksonit që krijojnë, kanë mision strategjik për transforimin e shtetit shqiptar. Ata gjenden edhe në situate rreziku, për shkak se përballen edhe me grupe kriminale. Ju si e keni hallin?
Nuk rriten pagat me gjykatë? Pse jeni ju ndryshe nga të tjerët? Pse nuk shkojnë mësuesit, pastruesit në gjykatë? Nuk ndodh kjo në asnjë vend të planetit. Për më tepër, ajo që kërkoni ju, të impononi, është që të ndërhyni në politkën e pagave të Republikë së Shqipërisë. Duhet ta ndalni si polemikë, të drejtën time si kryeministër, për të mbrojtur interesin publik, nuk ka hiqni ju, askush.”, nënvizoi kreu i qeverisë.
