E surprizuar, Evis Kushi u shpreh se drejtimi i ministrise se arsimit do të jetë një përgjegjësi e madhe.
“Unë ju falenderoj shumë. Jam shumë e befasuar. Nuk e prisja. Është një privilegj shumë i lartë.
Pas 7 vitesh angazhimi politik të jem ministre arsimi, është përgjegjësi e lartë, që të drejtoj sektorin ku kam punuar prej 23 vitesh.
Është privilegj dhe përgjegjësi që të drejtoj ministrinë e Arsimit. Akoma më shumë sepse jam nga Elbasani, që është djep i arsimit, të vijoj stafetën e atyre burrave të mençur, që kanë vendosur themelet e arsimit në Shqipëri” tha Kushi.
Por kryeministri Edi Rama i tha se detyra e re është e natyrshme pas 7 vitesh angazhim me PS-në. “Evis je edhe pak e surprizuar. Detyrat për ne janë, për njerëzit janë, aq më tepër pas gjithë atij angazhimi si përfaqësuese e Elbasanit, edhe në paktin për Universitetin, në raport me problematikat në arsim. Ky është vazhdim i natyrshëm” tha Rama.
