Kryeministri Edi Rama vizitoi këtë fundjavë pikën agroturistike “Kapelet” në Linzë, që ndodhet në Malin e Dajtit, Tiranë.
Në vizitën e tij Rama shoqërohet nga bashkëshortja e tij, Linda Rama si dhe Zaho, djali i tyre i vogël.
Kryeministri publikoi në rrjetet sociale foto nga kjo pikë agroturistike.
“Kapelet” në Linzë, historia e suksesit të një emigranti, Arlindit, që ka krijuar një oaz unikal shijeje estetike dhe gatimi, duke ripërpunuar menunë e traditës shqiptare”, shkroi Rama, teksa u ndal në pamjet e mrekullueshme që ofron kjo zonë e bukur në Malin e Dajtit.
Mali i Dajtit, vetëm 22.4 kilometra larg qendrës së kryeqytetit, 1 613 metra mbi nivelin e detit është tjetër atraksion i mrekullueshëm për vizitorët dhe turistët e huaj që vendosin të vizitojnë vendin tonë.
