Categories Politike

Rama-Meta, afrimi i zgjedhjeve vendore shton tensionet

Edhe pse bashkëqeverisën, për 4 vite Ilir Meta, dhe Edi Rama nuk nuk arriten të shndërrohen në “pikë të dobët” për njëri-tjetrin.

Rama përdori gjithë pushtetin e tij, për ta dërguar Ilir Metën në krye të shtetit në prill të vitit 2017, vetëm pak muaj para zgjedhjeve parlamentare.

Marrëdhënia e tyre politike do të merrte një kthesë të ndjeshme e kjo u reflektua publikisht jo vetëm me qëndrime publike, por edhe me akte konkrete.

Në vetëm 1 vit e 8 muaj, në krye të shtetit presidenti Ilir Meta, e ka refuzuar me dekret Ramën në më shumë se 8 herë, duke kulmuar me refuzimin që i bëri Sandër Lleshajt, çka e shtyu emërimin e tij si Minsitër i Brendshëm për më shumë se 1 muaj.

Ajo që bie në sy është fakti, se ne momente të rëndësishme politike e kur debati ka qenë i ndezur, presidenti Meta e ka refuzuar kryeministin Edi Rama.

Momenti i parë i ndjeshëm ishte ai që njihet si ligji për Teatrin e ri, ku Kreu i Shtetit e refuzoi dy herë produktin e miratuar në Kuvend nga mazhoranca.

Ky moment u pasua me një tjetër vendim delikat, ai i refuzimit në heshtje të propozimit nga kryeministri i Sandër Lleshajt për në krye të Ministrisë së Brendshme, pas dorëheqjes surprizë të Fatmir Xhafës.

Këto dy akte u pasuan me një tjetër akt të rëndësishëm të Kreut të Shtetit, ndoshta për herë të parë në 28 vite një President refuzon ligjin më të lartë financiar, buxhetin.

Ky vendim i Presidentit erdhi në një moment të vështirë për Kryeministrin, i cili përballej për më shumë se dy javë më protestat e studentëve.

Përballë kësaj, argumenti kryesor i Kreut të Shtetit kur riktheu për shqyrtim buxhetin, ishte pikërisht arsyeja për të përmbushur kërkesat ekonomike të studentëve.

Tensionet i përkasin një periudhe të qetë politike, duke pasur parasysh se partitë nuk janë përfshirë në zgjedhje.

Ndaj dhe viti i ardhshëm pritet të jetë një tjetër test nervash politike mes presidencës dhe kryeministrisë, kur në 30 qershor shqiptarët do tu drejtohen kutive të votimit për të zgjedhur kryetarët e bashkive. /Ora News tv

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Politike

Princi William i dorëzon titullin e lartë ‘OBE’ pedagogut shqiptar Andi Hoxhaj

Princi William i ka dorëzuar pedagogut shqiptar Andi Hoxhaj titullin e lartë të Urdhrit më…

LEXO ME SHUME
Categories Politike

Berisha: Beleri në burg për interesat mafioze të Olsi Ramës dhe Edi Ramës në brigjet e Himarës

Kreu i PD, Sali Berisha deklaroi sot se vendimi për të mbajtur në burg Belerin…

LEXO ME SHUME
Categories Politike

Kërkesa e Zelenskyt për prodhim municionesh për Ukrainën, Rama: Të gjithë thanë po, jo vetëm Shqipëria

Kryeministri i Shqipërisë Edi Rama, ka deklaruar se vendet e Ballkanit Perëndimor i kanë thënë…

LEXO ME SHUME
Categories Politike

Pse ishte Alex Soros në samit? Rama nuk ia kursen gazetares: Harroi të të pyeste ty

Është zhvilluar ditën e stome në Tiranë Samiti BE- Ballkani Perëndimor. Teksa është ezauruar e…

LEXO ME SHUME
Categories Politike

Shtyhet seanca për Belerin, avokati: Proces i montuar për të mbajtur Himarën

Shtyhet për në 5 mars seanca për Alfred Belerin, kryebashkiakun e pabetuar të Himarës. Në…

LEXO ME SHUME