Puna për ndërtimin e spitalit të ri pediatrik nuk është ndaluar edhe në këtë kohë pandemie. Kryeministri Edi Rama ka publikuar pamje nga kantieri i ndërtimit pranë QSUT-së për ndërtimin e godinës së re.
“MIRËMËNGJES , dhe me punën e premtuar për modernizimin e qendrës më të madhe spitalore në vend, përkatësisht ndërtimin e spitalit të ri Pediatrik, model i vizionit tonë për ndërtimin e “Shëndetësisë Që Duam” . Fëmijët Të Parët, ju uroj një ditë mbarë”, shprehet Rama. Me një investim në vlerën 9 milion euro spitali i ri përfshin ndërtimin e godinës së re dhe rikonstruksionin e plotë të godinës ekzistuese. Pediatria e re është pjesë e projektit për për modernizimin e QSUT.
