Kryeministri Edi Rama kishte zgjedhur shkollën “Servete Maçi” në kryeqytet për të uruar nxënësit në ditën e parë të vitit shkollor 2019-2020. Bashkë me urimin për një vit të suksesshëm, Rama premtoi se brenda tre viteve të ardhshme do punohet që të përfitojnë tekste falas nxënësit e klasave nga e pesta deri në të nëntën.
Rama: “55 mijë nxënës të regjistruar që kanë filluar shkollën. Më vjen shumë mirë që 225 mijë i kanë marrë librat falas nga e para te e pesta. Si dhe ata që vijën me ndihmë ekonomike apo nevoja të veçanta. Vitin e ardhshëm do përfshijmë klasën 6-7. Siç jemi zotuar në 2021 do të kemi të gjithë nga klasa e parë në të 9 që do të marrin libra falas.
Kryeministri shoqërohej edhe nga kryebashkiaku Erion Veliaj, i cili tha se po punohet për ndërtimin e 17 shkollave të reja, që do ti japin fund mësimit me turne.
Veliaj: “Ky është shtatori im i pestë si kryetar Bashkie, më kujtohet që në, çdo shtator kemi hapur nga një shkollë të re, shkollën “Betim Muço”, shkollën “Ardian Klosi”, shkollën Kosova, “Hoxha Tahsim” dhe shkolla “Servete Maçi”. Për të pasuar me shtatorin e ri, për të hapur 17 shkolla të reja, për ti dhënë fund mësimit me turne.”
Qeveria ka ndërtuar për këtë vit shkollor 200 shkolla të reja, duke iu ofruar nxënësve shërbime sa më të mira, ndërsa bashkë më infrastrukturën po i kushtohet një rëndësi e veçantë shkollave si qendra komunitare.oranews
