Në një konferencë së bashku me Policinë e Shtetit, kryeministri Edi Rama tha se Policia e Shtetit ndjek fshatarët në zona të humbura për një gardh ose avlli, por nuk ndalon ndërtimet në zonat e turistike.
Rama u shpreh se nuk bëhet fjalë për skena krimi ku ata që gjuajnë me armë ikin me motor, por për një krim që zgjat me orë dhe ditë. Rama theksoi se veprime ose mosveprime të tilla nga policia, kanë vetëm një emër dhe ky është korrupsion.
Rama: Janë çuar për ndjekje penale fshatarë në zona të humbura për një avlli, për një gardh, për një mur, ndërkohë janë toleruar veprimtari kriminale të ndërtimeve pa leje në zonat turistike e të mbrojtura. Është e t urpshme dhe e fr ikshme, që strukturat e policisë të shpenzojnë energji e kohë, për të shkuar dhe për të futur në telashe fshatarë që rregullojnë avllitë, ndërsa para syve të tyre dhe me miratimin e pjesëmarrjen e tyre në korrupsion hidhet beton, në pjesët më të bukura të trupit të vendit tonë. Kultivohen puçrra me qelb në trupin e një bukurie si Shqipëria. Hidhet beton brenda vijës së verdhë të bashkive.
Çfarë bën policia e shtetit në ato kuadrate që janë të ndara mes komisariateve? Kthen sytë nga ana tjetër. Këtu nuk bëhet fjalë për skena k rimi ku ata që gjuajnë me armë ikin me motor, por për një krim që zgjat me orë dhe ditë. Është krim i përcaktuar në Kod Penal të ndërtosh pa leje. Këto skena krimi zhvillohen në sytë e policisë që kanë detyrimin ligjor të veprojnë menjëherë. Kjo nuk ka asnjë emër tjetër veçse korrupsion e ryshfet.
